දෙසැම්බර් වෙද්දී විශාල කොවිඩ් රැල්ලක් ඇතිවීමේ අවදානමක්

ජනතාව තුළින් බලාපොරොත්තු වන ප්‍රතිශක්තිකරණය මෙතෙක් ලැබී නැතිනම් දෙසැම්බර් මස වනවිට නැවත විශාල කොවිඩ් රැල්ලක් ඇතිවීමට හැකි බව සමස්ත ලංකා වෛද්‍ය නිලධාරීන්ගේ සංගමයේ ප්‍රධාන ලේකම් වෛද්‍ය ජයන්ත බණ්ඩාර අනතුරු අඟවනවා.

ඔහු පැවසුවේ සමාජ ක්‍රියාකාරකම් තුළින් පමණක් වසංගත පාලනය කළ නොහැකි බවත් අනිවාර්යයෙන්ම කොවිඩ් අහඹු පරීක්ෂණ කිරීම, ආසාදිතයන් හුදෙකලා කිරීම හා සමාජ දුරස්ථභාවය යන කාරණාවලට තවදුරටත් මූලිකත්වය ලබාදිය යුතු බවයි.

විශේෂයෙන් දැනට එන්නත්කරණ ලැබූ සියලු පුද්ගලයන්ට අවශ්‍ය ප්‍රතිශක්තිකරණය ලැබී ඇති බවට නිසි සහතිකයක් නොමැති බව වෛද්‍යවරයා පෙන්වා දෙනවා.

පාසල්, රෝහල්, පොදු ස්ථානවල කොවිඩ් පාලනය පැතිරීම වැළැක්වීමට මෙයට පෙර ගත් පියවර අනිවාර්යයෙන් ම ක්‍රියාත්මක කළ යුතු බවයි ඔහු අවධාරණය කර සිටියේ.

මේ වනවිට සිවුවතාවක් අප කොවිඩ් රැලිවල අත්දැකීම්වලට මුහුණ දී ඇති බැවින් මේ මොහොතේ ඒ පාඩම් ප්‍රයෝජනයට ගත යුතු බව පවසන ඒ මහතා තම සංවිධානය යෝජනා කරන්නේ අහඹු පී.සී.ආර්. පරීක්ෂණ අනිවාර්ය බවත් ග්‍රාමීය මට්ටමින් මහජනයා සම්බන්ධ කරගත් කටයුතු සිදුකිරීම ඉතා වැදගත් බවත්
ආණ්ඩුව මේ වනවිට සිදුකර ගෙනගිය හා වැඩපිළිවෙළවල් නවත්වා ඇති අතර එමගින් නැවත විශාල රැල්ලක් පැමිණිය හැකි බැවින් වෛරසය සැබෑ ස්වරූපය එය බව තේරුම් ගත යුතු බවයි ඔහු වැඩිදුරටත් සඳහන් කර සිටියේ.

Leave a Reply

Your email address will not be published. Required fields are marked *